تحديد صفاتك الشخصية من أهم خطوات تطوير الذات والتواصل مع الآخرين.. سواء في الشغل والدراسة وحتى الزواج!
كل فترة بجرب اختبارات مختلفة وأبحث في تفاصيلها وأطبقها على نفسي ومعارفي.
وكان دايما أهم معيار ببحث عنه هو البساطة والدقة!
لحد ما لاقيت اختبار ألوان الشخصية
Personality True Colors
بسيط وسهل فهمه للجميع بإذن الله... وجربته على ناس كتير ولاقيته دقيق بنسبة كويسة
الاختبار بيقول ان كل واحد فينا شخصيته عبارة عن خليط من أربع ألوان
(الصورة الأولى فيها صفات كل لون)
نسب الخليط تختلف من شخص لشخص.. لكن دايما بيكون في لون أساسي ولون ثانوي
(الصورة التانية هي النتيجة بتاعتي: لوني الأساسي أخضر والثانوي أزرق)
يقال ان المبدأ موجود منذ عام ٤٦٠ قبل الميلاد.. ولكن "دون لوري" في ١٩٧٨ طوره وعمله بالألوان وحدد طرق الاختبار.
بعد ماتعرف ألوانك.. تقدر تفهم اكتر عن اللي يناسبك في الشغل والدراسة والارتباط
وكمان لأنهم ٤ ألوان فقط.. هتعرف بسهولة تحدد اللون الرئيسي لمعارفك.. وزمايلك.. وأطفالك.. وحتى تلاميذك
وبالتالي يبقى سهل عليك تتواصل وتتعامل معاهم باللي يناسبهم ويناسبك
خصوصا الاطفال... هتفرق معاك كتير جدا !
الاختبار متاح مجانا بالإنجليزي هنا:
(أتمنى تبلغوني لو لاقيتوه عربي عشان أضيفه بإذن الله)
والشيت ده فيه تفاصيل (كتييير) عن كل لون بالإنجليزي (والعربي ترجمة تقريبية من جوجل):
يلا روحوا اعملوا الاختبار (اقل من ٥ دقايق) وقولولي ألوانكم ايه؟