في شبه كبير بين بناء منتجات جديدة... وبناء بيوت زوجية جديدة
- هدف البناء
- لمين؟
- الميزانية المتوفرة؟
- الوقت المتاح؟
- احتياجات خاصة؟
- قابلية التطوير
- احتمالية الفشل
وهكذا
في طريقة مهمة جدا في بناء المنتجات الجديدة (وخصوصا البرمجيات) اسمها
#MVP: Minimum Viable Product
يعني نبدأ بأبسط منتج يقدر ينجح ويستمر
بحيث ان المنتج يجهز وينزل السوق بأقل: تكلفة ومجهود ووقت
وكل فترة (كل شهر مثلا) ننزل تحديث فيه إضافة جديدة أو تصليح مشكلة
وكل ما الناس تنجذب للمنتج أكثر... كل ما يحصل في المنتج استثمارات أكثر
وهكذا
انما لو المنتج فشل بدري بدري.. يبقى هنخرج من التجربة بأقل الخسائر ... ومش هنقاوم الفشل كتير ونأذي نفسنا أكثر!
وهنقدر بسهولة ندخل على المنتج اللي بعده
وهكذا
الطريقة دي أفضل من البداية بمنتج كبير مرة واحدة
يعني نقعد قافلين على نفسنا وعمالين نصرف على بناء منتج ضخم
وماننزلوش السوق غير لما نكون مقتنعين انه كده خلاص مش ناقصه حاجة ومافيهوش غلطة
وطبعا ده هيستهلك كم هائل من الوقت والمجهود والتكلفة
وللأسف وارد جدا اننا نصطدم بفشل المنتج لما ينزل السوق!
بس عشان احنا صرفنا فيه كتييير.. هنقاوم الفشل ده
وهنصرف أكثر من عمرنا وصحتنا وفلوسنا
لحد مانجيب آخرنا
وهنلاقي نفسنا ماعندناش طاقة نحاول في أي مشروع تاني بعده
نفس الكلام نقدر نطبقه على بيوت الزوجية
هنسميه
#MVN: Minimum Viable Nest
يعني نبدأ بأبسط (عش زوجية) يقدر ينجح ويستمر
بحيث نبدأ الزواج بأقل تكلفة ووقت ومجهود
يعني سهل يتحملها الزوج بالكامل
وكمان يدفع المهر بالكامل مقدما
وشكرا.. لا قايمة ولا غيره بقى
وده هيخلينا من الأول نركز أكثر على مدى التوافق بين الزوجين
وكل فترة بعد الزواج (كل شهر مثلا) نزود حاجة جديدة في البيت أو نصلح مشكلة
وكل ما الزواج يكون ناجح أكثر.. كل ما هنستثمر في البيت أكثر
انما لو الزواج فشل بدري بدري... فهينتهي بأقل الخسائر... ومش هنقاوم الفشل كتير ونأذي بعض أكثر!
والطرفين هيقدروا بسهولة يدخلوا في تجربة تانية لأن سنهم هيكون غالبا لسة صغير.. خصوصا لو بدون أطفال
الطريقة دي أفضل من الإصرار على بدء الزواج في بيت كبير جاهز من مجاميعه مرة واحدة
يعني هيتم تأخير الزواج وهيفضل الطرفين يصرفوا على تجهيز البيت والعفش
لحد مايقتنعوا انه كده خلاص البيت مش ناقصه أي حاجة ومافيهوش غلطة
والمهر مايتدفعش... ولازم قايمة والذي منه
فيحصل ايه بقى لو الزواج فشل؟ (وللأسف ده بقى احتماليته كبيرة مؤخرا)
الطرفين غالبا بيقاوموا الفشل خوفا من الخسارة الكبيرة
فيستمروا مع بعض رغم عدم التوافق
فيأذوا بعض أكثر... ويجيبوا أطفال يتأذوا هما كمان
ويصرفوا أكثر من عمرهم وصحتهم وفلوسهم
وإذا انتهى الزواج بعد المقاومة دي كلها.. بيبقوا غالبا ماعندهمش طاقة يحاولوا في زواج آخر
يبقى ليه يا جماعة بنصمم على الطريقة الصعبة اللي بيحصل بسببها كثير من الحرام؟
والأصل في الشرع والسنة مليئة بالحلال السهل!
سؤال بقى للي اقتنعوا بطريقة الـ
MVN
- ايه هي مواصفات أبسط عش زوجية تحبوا تبدأوا فيه؟
أنا مثلا هقول:
شقة فاضية فيها تلاجة وبوتاجاز ومرتبة
وخير البر عاجله 😎
#WeOnlyLiveTWICE