أحمد أخويا متغرب في السعودية
كذا مرة يتصل بينا واحنا بنصلي او بناكل او مشغولين لأي سبب ومانعرفش نرد عليه
يقلق هو بقى ويتجنن لحد مايعرف يوصلنا
الحمد لله لاقيت برنامج مجاني يحل الموقف ده... ومواقف تانية كتير
بعد ماجربته ولاقيته مفيد جدا... قولت احكيلكم عليه
البرنامج بيحول الموبايلات لكاميرات مراقبة شغالة باستمرار
صوت وصورة
وممكن تتكلم مع الطرف التاني كمان
فأنا عندي موبايل مش بستخدمه
نزلت عليه البرنامج وحطيته عندنا في الصالة
واديت الباسورد لأحمد
عشان يشوفنا ويتكلم معانا وقت مايحب
بدون ماينتظر اننا نرفع عليه
وده غير ان البرنامج ممكن يبعتلك نوتيفيكاشن او ايميلات لو حصل حركة في المكان المتراقب
وبيسجل فيديوهات التحركات اوتوماتك او انت تحددله مواعيد يسجل فيها ديما
وممكن كذا شخص يتفرج على الكاميرا في نفس الوقت
يعني حتى احنا لما نخرج ونسيب الشقة ممكن نطمن عليها واحنا برة
كل اللي انت محتاجه:
- موبايل مابيسخنش لما يتساب في الشاحن
- إنترنت
والمواقف اللي بيحلها البرنامج ده كتيرة... منها على سبيل المثال:
- للي عايز يطمن على اطفاله وهما نايمين أو بيلعبوا في غرفتهم
- للي متغرب وعايز يطمن على اهله ويتكلم معاهم... خصوصا لو كبار في السن وقاعدين لوحدهم
- للي عايز يراقب مخزن او شقة ويجيله انذار في حالة اي تحركات
وهكذا يعني
البرنامج متقسم على برنامجين:
- الازرق: بيحول الموبايل كاميرا مراقبة
- الاحمر: تتفرج منه ويجيلك عليه الانذارات والفيديوهات المسجلة
للتحميل وخطوات التشغيل:
أهم حاجة:
ياريت احتياطيا تحط الموبايل والشاحن بعيد عن أي عفش أو قماش
والأفضل انك تجربه تحت عنيك الأول كام يوم كده وتتأكد انهم مابيسخنوش لو اتسابوا أيام كتير في الكهرباء
وده فيديو شرح بالعربي
أنصحكم كمان تشوفوا: البرنامج المجاني لمتابعة أماكن أفراد العائلة